Kae Bahar کهی بههار
_____________________________________________________________________________________________
چرای شاری ئاشتی ئهدرهوشێتهوه
کارزان کرێکار
شێرهبهیانی
لهندهن 30 – 09 – 2010
www.karzanfilms.com
دوای گهشتێکی
سهرکهوتوو له مانگی ههشت 2010 له لهندهنهوه بۆ كوردستان بۆ ماوهی ده
ڕۆژ بۆ پهیداکردن سپۆنسهر و کۆمهکی دارایی بۆ پڕۆژهی شانۆگهری / موزیکال
شاری ئاشتی که بوجهکهی 55000، پهنجا و پێنج ههزار دۆلاره، ئهمرۆ
له کاتێکدا له ناو گرمهی پرۆڤهکردن دا بوین له سهنتهرهکهمان له
لهندهن، ههواڵێکی زۆر پڕ شادی و هیوامان به دهست گهیشت له لایهن میران
گیانهوه که نوێنهری شاری ئاشتی– یه له کوردستان: میران به
تهلهفۆن پێی راگهیاندین کهوا حکومهتی ههرێمی کوردستان و ئهنجومهنی
وهزیران سپۆنسهری شاری ئاشتی دهکهن به 25000، بیست و پێنج ههزار
دۆلار. ئهمهش بهڕاستی ههواڵێکی بێهاوتایه و گهورهترین سهرکهوتنه بۆ
هونهری کورد – چونکه ئهگهر ههڵه نهبم تاکو ئێستا هیچ بهرههمێکی
شانۆگهری کوردی نه لهناوهوه وه نه له دهرهوهی کوردستان ئهم
بوجهیهی بۆ دابین نهکراوه - ههرچهند ئهمه نیوهی بوجهکهمانه، بهلام
ئێمه له شانۆ– ناوهندی پڕۆژهی هونهری کوردی له لهندهن سوپاسی زۆر
گهورهی حکومهتی ههرێم و ئهنجومهنی وهزیران دهکهین که بوونه هۆی
ئهوهی چرای شاری ئاشتی گهشاوه بدرهوشێتهوه- به هیوای ئهوهی
ئهم ڕۆشناییه سهرتاپای شاری لهندهن و شارهکانی كوردستان بگرێتهوه
چونکه خهونی گهورهی ئێمه له شانۆ ئهوهیه که ساڵی داهاتوو له 2011
شاری ئاشتی له ههولێر، دهۆك، سلێمانی و کهرکوك پێشکهش بکهین به گهلی
کوردی ئازیزمان. بێگوما له یادمان ناچێت که سوپاسی تایبهتی دکتۆر عیزهت
عیسا بکهین بهڕاستی سهڵماندی کوردی هونهر دۆسته و گرنگی و بایهخی
هونهر لای ئهو بهڕیزه زۆر ڕوونه که هونهر چهند پێویسته بۆ بنیات نانی
کۆمهلگایهکی
خاوهن ڕهنگ و جوانی، کۆمهلگایهکی شاد. ههروهها سوپاس بۆ ههموو هاورێانی
ڕاگهیاندن و هونهرمهندمان له کوردستان که زۆر به گهرمی پێشوازیان کرد
له پڕۆژهکهمان، لهوانه هیوا سوعاد، ناسر حهسهن، شاخهوان ئدریس، فازل
عومهر، خانی ههژار، هاورێ فیکری، بهختیار سهعید، حوسێن زارین، کاکه هێمن و
میران گیان. زۆر گرنگه که مرۆڤێکی وهك من ئهوا بۆ سی ساڵه له ههندهران
به خۆبهختی خزمهت هونهر و کهڵتوری کورد دهکهم، هاورێی بهڕێز و هونهر
دۆستی بهرزی ههبێت، پشتگیری کردن له هونهرمهندی ڕاستگۆ سهرکهوتنه بۆ
ههمومان و بهتایبهت بۆ نهوهکانی داهاتومان.
تاکو ئهمرۆ
کاری پرۆڤهمان زۆر باش دهڕوات و تیمی شاری ئاشتی تهواوه - کۆمپلیته
- لهوانه حهوت مۆسیقا ژهن بهژدارن: سهروهت– بهڕێوهبهری موزیك و
کهمان، ئیسماعیل– بهڕێوهبهری موزیك دوو و کیبۆرد و پیانۆ، شایوان– زهرب و
دهف، تارۆ– گیتار، حهمید– ساز، تاشان– شمشاڵ و لیۆن– دڕهمی تایبهت. جگه
لهوانیش خاتو ئهیپریل ئهمهریکی که شارهزاییهکی بێهاوتای ههیه و
بهرێوهبهری دهنگی گۆرانیهکان دهکات له پڕۆژهکهمان. ههروهها ههشت
ئهکتهری زۆر خۆ ماندوکهر و کۆڵنهدهر که ئهوا بۆ دوو ساڵ و نیوه، (کهم
كاتی) پڕۆڤه دهکهن و ڕۆلی ههژده کارهکتهر دهبینن: ئاریان، تروسکه،
ماریا، تریفه، ههردی، شڤان، شێروان و کارزان که ههروهها دهرهێنهر و
هاوو-نووسهر شاری ئاشتی-یه شان بهشان سیمین چایچی نووسهری کوردی
بهڕێز، وه کارزان زۆر شاده بهوهی که ئێمهی کوردیش بهم زوانه دهبین
بهخاوهن یهکهم موزیکال که به ستانداردی پڕۆفێشناڵی نمایش بکرێت. بۆ
ئهوهی به تهواوی سهرکهوتن بهدهست بهێنین، له کوردستان و له
ئینگیلتهڕا نامهیهکی گهلێ زۆری سپۆنسهریمان ڕهوان کردوه بۆ کوردانی
هونهر
.jpg)
دۆست
و دهوڵهمهند– کۆمپانیا و بازرگان – چێشتخانه و دوکان– هیوادارین ئهوانیش
بهڕاستی دڵسۆزی هونهری خۆیان بنوێنن و بێنه پێشهوه سپۆنسهریمان بکهن بۆ
ئهوهی ئهو بهشهی تری بوجهکهمان پڕکهنهوه چونکه جگه له مۆسیقاژهن
و ئهکتهران، له تیمهکهمان گهڵێ کهسانی پسپۆری بیانی لهگهڵمان کار
دهکهن وهك تهکنیشن له پڕۆژهی شاری ئاشتی و پێویسته ئهوانیش
موچهی خۆیان بدرێتی، لهوانه: ئانه مهریه– دروستکهری جلوبهرگ، کلێر–
دیزاینی چراوڕۆشنایی، ئانیته– دیزاین و دروستکهری سێت و دیکۆر، نیکۆله–
سهرپهرشتی بهرههم، جۆسی– دیزاینی جلوبهرگ و دروستکردن دهمامك، (ماسك)،
سام– یارمهتیدهری جلوبهرگ، مارسین– ووێنهگر، ڕۆبین و ڕۆنی– فیلمکار.
ههروهها کوردانی ئازیز که بهژدارن له بواری تهکنیکی شاری ئاشتی،
لهوان: ڕێبوار سهعید– دیزاین و ڕهنگکردن دیکۆر، حوسێن مهمۆ– یارمهتیدهری
دهرهێنهر یهك، شیلان– یارمهتیدهری دهرهێنهر دوو، بهرههم–
سهرپهرشتکاری سکریپت، توانا– سهرپهرشتکاری پڕۆڤه و ههردی شهیدا بهشی
میدیا و ڕاگهیاندن. ئهمه جگه له ههموو ئهو کهرهسه و مهتریاڵانهی
که پێویستن– ههروهها بهکرێگرتن هۆڵی نمایش کردن، چاپ کردن پۆستهر، برۆشه
و پرۆگرام. واته بۆ ئهوهی شاری ئاشتی ههردهم چرای گهشاوه بێت و
بدرهوشێتهوه، هێشتا پێداویستیمان به کۆمهکی دارایی ئێوهی بهڕێز گهلێك
زۆره، جا تکایه وهرنه پێشهوه و کۆمهکمان بکهن تاکو ئێمهش ناوی
بهڕێزتان بهرزهوهکهین له بڵاوکراوه و پۆستهر و برۆشهکانمان– و له
سهروی ههموهوه تاکو به هیمهتی ئێوهوه و بهیهکهوه هونهر و کهلتوری
گهلی کوردمان بهرز ڕاگرین له نێوان هونهری گهڵانی شارستانی و پێشکهوتووی
جیهان.